Child reading a book

பிரிட்டிஷ் கவுன்சிலின் பதிவு செய்யப்பட்ட ஒரு மாணவர் என்ற வகையில், உங்களுக்கு சில கடமைகள் மற்றும் பொறுப்புகள் உண்டு.

விதிமுறைகள்

  1. உங்களது கற்கைநெறி இரத்து செய்யப்பட்டு அல்லது வேறொரு நேர அட்டவணைக்கு மாற்றப்பட்டு, அதன் காரணமாக உங்களால் வகுப்புகளுக்கு சமுகளிக்க முடியாவிட்டால், நீங்கள் உங்களது கற்கைநெறிக்கான கட்டணத்தை எதிர்கால தவணையொன்றிற்கு மாற்றும் அல்லது முழுமையான கட்டணத்தை மீளப் பெற்றுக்கொள்ளும் உரிமை உண்டு.
  2. கட்டணத்தை மீளப்பெறல் (நிர்வாகக் கட்டணமாக ரூ.2000 நீங்கலாக) தொடர்பாக, அசல் ரசீது மற்றும் பூர்த்தி செய்யப்பட்ட மீளப்பெறல் விண்ணப்பப் படிவம் என்பன எமது வாடிக்கையாளர் சேவை பிரிவில் வகுப்புகள் ஆரம்பிப்பதற்கு இரு தினங்களுக்கு முன் கையளிக்கப்படுதல் வேண்டும்.
  3. மீளப் பெறல் தொடர்பான செயற்பாடுகளுக்கு 21 வேலை நாட்கள் கால அவகாசம் எடுத்துக் கொள்வதுடன், ஆவணங்கள் சமர்ப்பிக்கப்பட்ட திகதியில் இருந்தே காசோலைகள் திகதியிடப்படும்.
  4. கற்கைநெறி கட்டணத்தை வேறொருவருக்கு மாற்றுவதற்கு முடியாது.
  5. கட்டணம் ஒரு பற்று வசதியாக பின்வரும் சந்தர்ப்பங்களில் மாத்திரம் கருதப்படும்: 

    காரணங்கள்

    உறுதிப்படுத்துவதற்கு தேவையான ஆவணங்கள்

    மருத்துவர் ஒருவரால் உறுதி செய்யப்பட்ட நீண்டகால உடல்நலக் குறைபாடு

    மருத்துவரது சான்றிதழ்

    கல்வி அல்லது தொழில் சார்ந்த காரணங்களுக்காக வேறொரு நகரத்திற்கு அல்லது நாட்டுக்கு இடம் மாற்றப்படல்

    நிறுவனத்திடமிருந்து அவர்களது கடிதத்தாளில் திகதி மற்றும் கையொப்பம் இடப்பட்ட கடிதம்

    புதிய தொழில் நியமனம் காரணமாக உங்களால் கற்கைநெறிக்கு சமுகமளிக்க முடியாமை

    திகதியிடப்பட்ட நியமனக் கடிதம்

    வேண்டுகோள் கடிதம், தவணை ரசீது மற்றும் மேற்குறிப்பிட்ட துணை ஆவணங்கள் நடப்புத் தவணையின் 5ம் வாரத்தின் முடிவில் வாடிக்கையாளர் சேவை பிரிவில் கையளிக்கப்படுதல் வேண்டும். தாமதமாகும் விண்ணப்பங்கள் நிராகரிக்கப்படும்.

  6. பற்றுகள் பின்வரும் கழிவுகளுக்கு உட்பட்டவை: சமுகமளிக்கப்பட்ட மணித்தியாலங்களின் எண்ணிக்கைக்குரிய மணித்தியாலக் கட்டணம் மற்றும் / அல்லது ரசீது, ஏற்கக்கூடிய எழுத்துமூல விண்ணப்பம் மற்றும் துணை ஆவணங்களை முன்னிட்ட காரணங்கள். பற்றுகள் தொடர்ச்சியான அடுத்த இரு தவணைகளுக்குள் பயன்படுத்தப்படல் வேண்டும். பற்றுகள் பிந்தைய திகதியொன்றுக்கான கட்டண மீளப்பெறலாக மாற்றப்பட முடியாது.
  7. வருகை தராதவர்களுக்காக எந்தவொரு மேலதிக வகுப்பும் நடைபெற மாட்டாது.

வேறு:

  1. கற்கைநெறி புத்தகங்கள் சி.ஜி அசோஸியேட்ஸ் புத்தக நிலையம், இல.46, அல்பிரட் ஹவுஸ் கார்டன்ஸ், கொழும்பு 03. தொ - 0115736206 இல் கிடைப்பதுடன், புத்தகங்களை வாங்கும்போது இவ் ரசீதை புத்தக நிலையத்தில் கையளித்து விலைக்கழிவைப் பெற்றுக்கொள்ளலாம்.
  2. இளம் மாணவர்களுக்கான பெற்றார் – ஆசிரியர் சந்திப்பு 2ம் மற்றும் 4ம் தவணைகளில் நடைபெறும்
  3. பின்வரும் தினங்களில் வழமை போல் வகுப்புகள் நடைபெறும்:
    2017 டிசம்பர் 03 (உன்டுவப் போயா தினம்)

நடத்தை தொடர்பான கொள்கை

அனைத்து பிரிட்டிஷ் கவுன்சில் அங்கத்தவர்கள், அனைத்து ஊழியர்கள் மற்றும் உடைமைகளுக்கு மாணவர்கள் மதிப்பளிக்க வேண்டுமென நாம் எதிர்பார்க்கின்றோம்.

நடத்தை தொடர்பான இக் கொள்கை தவறான நடத்தைகள் குறித்து அனைவரும் புரிந்துகொள்வதற்கும் நன் நடத்தைகளை ஊக்குவிப்பதற்கு பின்பற்ற எடுக்கவேண்டிய நடவடிக்கைகள் குறித்தும் உறுதி செய்கிறது 

தவறான நடத்தைகள் இரு வகைப்படும்: விரும்பத் தகாதவை மற்றும் ஏற்றுக்கொள்ள முடியாதவை.

விரும்பத்தகாத நடத்தைகளுக்கான உதாரணங்கள் ஏற்றுக்கொள்ள முடியாத  நடத்தைகளுக்கான உதாரணங்கள்
வகுப்பிற்கு தாமதமாக வருதல் சண்டை பிடித்தல்
வீட்டுப் பாடங்களை செய்யாதிருத்தல் அடாவடித்தனம்
வகுப்பறையில் அளவுக்கு அதிகமாக தாய் மொழியில் பேசுதல் வகுப்பறைக்கு சேதம் விளைவித்தல்
வகுப்பறையில் உணவு, பானங்களை அருந்துதல் ஏனையவர்களை மரியாதை குறைவாக நடத்துதல்
வகுப்பில் கையடக்கத் தொலைபேசி பயன்படுத்தல் மற்றவர்களின் உடமைகளை சேதப்படுத்தல்

ஆசிரியர்கள்  விரும்பத்தகாத அல்லது ஏற்றுக்கொள்ள முடியாத நடத்தைகளை இனங் கண்டால், மாணவர்களுக்கு பிரச்சினை குறித்து விளக்கமளிப்பதுடன் எமது எதிர்பார்ப்புகளையும் தெளிவுபடுத்துவார்கள். நாம் பின்வரும் நடவடிக்கைகளை மேற்கொள்வோம்

  • முறையான சந்திப்பொன்றுக்கு பெற்றாரை அழைத்தல்
  • பிரிட்டிஷ் கவுன்சில் முகாமையாளர் ஒருவருடன் முறையான சந்திப்பொன்றுக்கு மாணவர்களை அழைத்தல்
  • மாணவர்களுக்கு முறையாக எச்சரித்தல்
  • தீவிரமான சந்தர்ப்பங்களில் அம் மாணவர்கள் பிரிட்டிஷ் கவுன்சிலை விட்டு விலகுமாறு கேட்டுக்கொள்ளப்படுவர்.

பிரிட்டிஷ் கவுன்சிலின் நம்பிக்கையான மற்றும் மதிப்புமிக்க கற்கை சூழலுக்கும் பணிச் சுற்றாடலுக்கும் நாம் அனைவருமே பொறுப்பானவர்கள்.

அடாவடித்தனத்துக்கு எதிரான மற்றும் நடத்தைக் கொள்கைகள்

பிரிட்டிஷ் கவுன்சில் தம்மோடு இணைந்து பணியாற்றும் அனைவர் தொடர்பாகவும் மதிப்பும் மரியாதையும் கொண்டுள்ளது. அத்துடன் உங்கள் மன அமைதிக்காக நாம் அதிக கவனம் செலுத்துகிறோம். அது தொடர்பான எமது அர்ப்பணிப்புமிக்க செயற்திட்டங்கள் இதோ :

  • நாம் உங்களுக்கு செவிமடுக்கிறோம்
  • எமது ஊழியர்களை நாம் மிகுந்த கவனத்துடன் தெரிவு செய்வதுடன் அனைவரும் முறைமைகள் மற்றும் நடைமுறைகளை பின்பற்றுவதை உறுதி செய்கிறோம் 
  • பாதுகாப்பாக இருப்பதன் முக்கியத்துவம் தொடர்பாக நம்பகமான அறிவுறுத்தலை நாம் வழங்குகின்றோம்
  • பாதுகாப்பாக உணர்வதற்கும், இருப்பதற்கும் அனைவருக்கும் உரிமையுண்டு என்பதில் மிகுந்த நம்பிக்கை கொண்டுள்ளோம்.

பிரிட்டிஷ் கவுன்சில் அனைவருக்கும் பாதுகாப்பானதொரு இடம் என்பதை உறுதி செய்வதற்காக, நாம் அடாவடித்தனம் மற்றும் முறையற்ற நடத்தை என்பவற்றை கடுமையாக எதிர்ப்பதுடன் இவ்வாறான பிரச்சினைகளை எதிர் நோக்குவதற்காக தகுந்த கொள்கைகளையும் செயற்பாடுகளையும் கொண்டுள்ளோம்.

இவ் அறிவித்தல் இலங்கை பிரிட்டிஷ் கவுன்சிலின் அடாவடித்தனம் மற்றும் நடத்தைகள் தொடர்பான கொள்கைகளின் சுருக்கமாகும். எமது கொள்கைகள் மற்றும் உதவிபெறும் வழிமுறைகள் தொடர்பான முழுமையான பிரதியைப் பெற்றுக்கொள்ள வாடிக்கையாளர் சேவை பிரிவைத் தொடர்பு கொள்ளவும்.

கொள்கைக்கான நோக்கங்கள்

இலங்கை பிரிட்டிஷ் கவுன்சிலின் அடாவடித்தனம் மற்றும் நடத்தை கொள்கைகள் அடாவடித்தனம் மற்றும் முறையற்ற நடத்தைகளை தடுப்பதற்கும் எதிர்த்து போராடுவதற்கும் நாம் மேற்கொள்ளும் விடயங்களை சுருக்கமாக அறியத் தருகிறது. இக் கொள்கைகள் நிலையத்தை சார்ந்த அனைவரையும் கவனத்திற் கொண்டே உருவாக்கப்பட்டுள்ளன.

அடாவடித்தனம் / முறையற்ற நடத்தை என்றால் என்ன?

அடாவடித்தனம் என்பது  “தனிப்பட்ட ஒருவர் அல்லது ஒரு குழு இன்னொருவரை உள்நோக்கத்துடன் அல்லது உள்நோக்கமற்று உடல் ரீதியாக அல்லது உணர்வு ரீதியாக காயப்படுத்தும் விதமான நடத்தை” ஆகும்.  

முறையற்ற நடத்தை என்பது “வெறுப்பூட்டும், கேடு விளைவிக்கும் அல்லது சீர்குலைக்கும் விதமான நடத்தை” ஆகும்

எந்த ஒருவருக்கும் அடாவடித்தனம் / முறையற்ற நடத்தையை வெளிப்படுத்தும் இயலுமை உண்டு.

எந்த ஒருவருக்கும் அடாவடித்தனம் / முறையற்ற நடத்தை என்பற்றுக்கு உட்படும் வாய்ப்பு உண்டு.

தடுப்பு

எமது பங்கு

தனிநபர் ஒருவரின் நடத்தை ஏனையவர்களின் நடத்தையில் தங்கியுள்ளது. அதனால், எமது நிலையத்திலுள்ள அனைவரும் மரியாதைமிக்க மற்றும் பண்பான நடத்தையை வெளிப்படுத்த வேண்டுமென நாம் எதிர்பார்க்கின்றோம். நன் நடத்தையை ஊக்குவிப்பதற்காக நாம் தொடர்ந்தும் ஆர்வத்துடன் செயற்படுகின்றோம்.

முறையிடுதல் / அறியத்தரல் 

முறையீடு செய்யப்படும் எந்தவொரு விடயமும் கடுமையாகவே அணுகப்படும். மேற்கொள்ளப்டும் நடவடிக்கைகளில் தவறு செய்தவர்களும் உள்வாங்கப்படுவர்.

  1. சிறிய பிரச்சினைகளின் போது எமது மூத்த ஊழியர் ஒருவர் உங்களுக்கு ஒத்துழைப்புகளையும் ஆலோசனைகளையும் வழங்குவார்.
  2. தீவிரமான பிரச்சினைகளின் போது, குறித்த விடயம் பற்றி ஊழியர்களால் பதிவு செய்யப்படும்.
  3. சிறுவர்கள் சம்பந்தப்பட்ட தீவிரமான பிரச்சினைகளின் போது பெற்றோருக்கு அறியத் தரப்படுவதுடன் பிரச்சினை தொடர்பாக கலந்துரையாடுவதற்கு அவர்கள் அழைக்கப்படுவர்.
  4. அவசியமான மற்றும் தகுந்த சந்தர்ப்பங்களின் போது பொலிஸாரின் ஒத்துழைப்பு பெற்றுக் கொள்ளப்படும்.

விளைவுகள்

பின்னூட்டங்கள் எப்பொழுதும் குற்றச்சாட்டை அல்லது முறையீட்டை மேற்கொண்ட தனி நபர்களுக்கு அறியத் தரப்படும்.